Механотерапия

Механотерапия

Денесінде кемістігі бар науқастың денесін қалыпты жағдайға өзгерту үшін арнайы жабдықтар қолданылады. Вертикализаторлар, Гросс тренажері, “Өрмекші” тренажері арқылы баланы вертикальді тұрғызып, аяқтарын тіреп, қадам жасауды, координацияны реттеуді үйренеді.  Сонымен қатар, осы аппараттар баланың денесіне түсетін ауырпашылықты жеңілдетеді.

Қазіргі уақытта механотерапия жабдықтарының басым көпшілігі пассивті және белсенді кинезиотерапия әдістерін біріктіретін био кері байланыс (BOS) принципі негізінде жұмыс істейді. (Shepherd, R. 1995, Stanger M. 2003). Физикалық оңалтудың бұл әдісі бұлшықеттер мен буындардың жекелеген топтарының дамуы бағытында ерекше түрде құрастырылған аспаптар мен механизмдерде арнайы жаттығуларды дәйекті түрде орындаудан тұрады.

• Арнайы нысаналы мақсат бойынша қолданылатын механотерапиялық аппараттар мынадай санаттарға бөлінеді:

Денені ұстап тұруға, бекітуге мүмкіндік беретін аппараттар қозғалыстардың жекелеген фазаларын ерекшелеп көрсетеді;
Жаттығуларды орындау кезінде дене белсенділігін өлшейтін тренажерлер (жүгіру жолы, велотренажер және т. б.) Қозғалыс әрекеттерінің тұтас кешендерін құрайтын аралас типтегі аппараттар.

• Орындалатын қозғалыстардың сипаты бойынша белсенді және пассивті әрекет аппараттары болып бөлінеді.

Белсенді әсер ету ол емделуші өзінің физикалық күш-жігерін жұмсай отырып, қозғалыстарды жүзеге асырады. Жүктеме дәрежесі бірқатар факторлардың көмегімен яғни бекітілген жүктің салмағы, оның штангадағы орналасуы, маятник ілулі тұрған бұрыш, тербеліс жиілігі және жаттығу жасаудың ұзақтығына байланысты (motomed мультифункционалды жаттығу жүйесі; "cobs" мультифункционалды платформасы, Nirvana интерактивті виртуалды жүйесі).реттеліп отырады:

Негізінен пассивті әсер ететін аппараттар пациенттің физикалық жүктемесін жеңілдететін қозғалтқыш құрылғысының көмегімен қозғалыстарды орындауын қамтиды (Power Plate діріл платформасы, Locomat жүйесінің локомоторлық жүктемесіне арналған оңалту кешені). Механотерапиялық аппарат қаншалықты мінсіз болса да, адамның моторлық функцияларын олардың алуан түрлілігінде абсолютті дәлдікпен көбейте алмайтындығын әрдайым есте ұстаған жөн. Механизмдердегі жаттығулар қатаң қалыпқа келтірілген, алдын-ала белгіленген схема бойынша, белгілі бір жылдамдықпен, амплитудамен және жүктемемен орындалады. Сол себепті, механотерапия әрдайым емдік гимнастикаға қатысты көмекші рөл атқарады, ол бастапқыда қозғалыстардың қарқынын, формасы мен бағытын таңдауда үлкен еркіндікті қамтиды.

Сондықтан, механотерапиямен бірге емдік гимнастика жасағанда тиімділігі өте жоғары болып келеді.